الموضوع ده ياجماعه لصديقه اعرفها وطلبت منى اعرضه فى المنتدى وتشوف ارأكوا فى الموضوع ارجو افادتها

الموضوع ده ياجماعه لصديقه اعرفها وطلبت منى اعرضه فى المنتدى وتشوف ارأكوا فى الموضوع ارجو افادتها

السلام عليكم
**************************
أتمنى من الكل المشاركة في الموضوع ..

لما يحب شاب بنت معينة وصارح أهله أو اصحابه بالحب ..
محدش يقدر يعيبه أو يقول له حاجه ..!!

بس لما البنت تحب شاب معين ..
تنقلب الدنيا .. و تبقى خاينه لأهلها ..
و ما تقدرش تصارح حد إلا صديقاتها المقربات ً ..

سؤالي ينقسم لعدة أقسام ..

الأول ؟؟

هل الحب الشريف في مجتمعنا الشرقي عيب كبير ؟؟!!

الثاني ؟؟

هل من حق الشاب أن يحب و يفصح عن حبه و مش من حق البنت أن تحب و تفصح عن حبها ؟؟!!

الثالث و الأخير ؟؟

هل عاداتنا تسمح للرجل أن يحب
و لا تسمح للمرأة أن تحب ؟؟!!

في انتظار آراءكم ..






اتمنا تكون الردود بشفافيه بدون تعصب او الخروج خارج عن مضمون الموضوع فى الردود

شكرا



بعض الردود

--------------------------------------------------------------------------------

هو انا مش هجاول على الاسئله بس انا فهمت الموضوع وهكلم عليه
الوقتى الولد مش زى البنت فى المعامله من الوالدين وه اكيد يعنى واكيد الكل موافق على كدا
البنت الى مش تقول لاهلها انها بتحب يبقى دى غلطه الاهل لانه اكيد شادين عليها
وهى البنت خايفه انها تقول انها بتحب ولد عشان مش يحصل ليها مشاكل كبيره فبالتالى بتحكى لاصحابها على اساس
انهى هيقدروها واكيد عتسمعهم بدون اى ظروف خارجه منهم
لانه البنت طبعا هيكون مش حيلتها الا سمعتها وشرفها
الولد بقا لو قال ان هو بيحب واحده ده عادى مفهاش حاجه لانه ولد ممنوع من اى
مسئوليه فى الحجات دى بعكس البنت
بقا المفروض ايه الى يحصل ان البنت تتخذ مامتها صاحبتها وتحكلها
لازم امها تقدر ده وتوجهها للصح وتعرفها الطريق عشان مش تقع بدون
اى مقاومه من امها او تشدد للبنت عشان لو حصل ده البنت كل حاجه هتعمملها غلط ووحشه كمان
الحب مش عيب بس التصرفات الى بتيجى بعد الحب هى الى عيب
يعنى المفروض نفكر ونعقل قبل ما نعمل اى خطوه فى الموضوع ده
ولازم الاهل يعرفوا عشان اذا مش عرفوا يبقى خانت ثقه اهلها
وانتا يا ولد مش تحب ان تتجوز واحده خانت ثقه اهلها
شكرا ليك على الموضوع
****************

هى الخيانة مش حب البنت

لكن ان البنت تحب انسان مينفعش انها تحبة او تتجوزة

لان فى بنات كتير بتبقى عارفة ان الانسان اللى بتحبة مش كويس وهيضيعها وبرضة بتفضل متمسكة بيه

وحكاية الخيانة للاهل دى صعب نتكلم فيها

لان لو جيت للدين وحكمة فى علاقة البنت بالولد هتلاقيها غير شرعية للاتنين مش للبنت بس

مجرد راى

بص مش لازم تكون خيانة لاهلها
لان فى ناس متعصبين جدا فى تربيتهم وعندهم البنت متحبش الا جوزها والكلام دة
انما حاليا يمكن بقى الحياة مختلفة شوية والام ممكن تتفاهم مع بنتها اكتر من حد تانى
مش هقولك ان كل الامهات كدا لاطبعا نادرا انا مامتى كانت من رابع المستحيلات انها تقبل انى احب واحد او اخرج معاة اواو لحد ماحست انة الحد دة كويس وجدا ومحترم والحمدالله اتخطبنا وكل اهلى بيحبوة بس فاالحكاية كلها مسألة مبدأ انت عرفتها الحد الى انتى بتحبى دة مين دة كذا ياماما وبيحبنى و ناوى خير وطالب يقبلك او اواوا اى حاجة انها تطمن لة يعنى مش معنى كلامى انها خلاص كدا عادى طب ياحببتى روحى دة ابن حلال لاطبعا بيكون فى شوية قلق وخوق وعدم استقرار نفسى انما لما تكون متأكدة الحد دة تمام وعايز بنتى بجد ممكن ترتاح وبعد كدا الحياة بتمشى

هل الحب الشريف في مجتمعنا الشرقي عيب كبير ؟؟!!
بص هو مش عيب بس مش مستحب انا شخصيا افضل انى احب جوزى ومحبش حبيب ويسبنى

الثاني ؟؟

هل من حق الشاب أن يحب و يفصح عن حبه و مش من حق البنت أن تحب و تفصح عن حبها ؟؟!! نو واااااااااااااااااااى
بجد دة احسن حاجة لانة مش فيلم كل الناس لازم تعرفة وتشوفة لان محدش فيهم هيقدر يقولك اها حلوة كمل او لامتكملش الوحيد الى يقدريقولك استوب او كمل هو عقلك كمان مش قلبك

الثالث و الأخير ؟؟

هل عاداتنا تسمح للرجل أن يحب
و لا تسمح للمرأة أن تحب ؟؟!!
بصراحة فى مجتمعنا دة كل حاجة ممكن تباح للراجل انما الست او البنت عموما بتتعاقب اشد العقاب كذلك تلاقى حاليا ان البنت بتخرج برة بتها بتتحرر اكتر من الازم غير الولد

والله انا شايفة ان الموضوع كله بيتوقف على تربية الاب والام للبنت وخاصة الام يعنى لو الام وبنتها اصحاب لو حصل ايه او لو حبت مين البنت هتحكى لمامتها وده احسن اكيد لان ممكن البنت تكون بتحب واحد مينفعش يرتبطو ببعض وساعتها امها هتنصحها بس لو حكت لصحبتها اكيد صحبتها دى صغيرة زيها ومعندهاش خبرة فى الحياة زى الام
لو قصدك بقى انها بتحب واحد وهيتقدملها اوك تقول حتى لو الام دى مش صحبتها
واكيد اكيد اكيد البنت مختلفة عن الولد فى حاجاتتتتتتتتتت كتيررررررررررررر وملهاش صلاحيات كتير زيه
مع العلم ان الحب الشريف مش عيب طالما ممكن فى الاخر يبقى جواز


قبل اى حاجه الاول عاوز اقولك اسف على الكلام اللى قولته انا قولته وانا كنت مخنوق وبجد الكلام اللى قولته ضايقنى اوى هو صعب وطلع غصب عنى فياريت تقبلى الاسف بس فى ناس هنا هى اللى عملت كده وسخنت الموضوع ياريت متزعليش

اما بقا للموضوع فعلا كلامك صح لازم الام تصاحب بنتها علشان لو اى حاجه حصلت غلط تكون على علم بأى حاجه وتلحق الموضوع من الاول


__________________